فين ٲيام زمن البيض الجميل ؟!

الكاتبة /حنان بديع ساويرس
فين ٲيام زمن البيض الجميل ؟!!!
حسب افتكاسات وزير النقل عندما صرح بٲن ثمن تذكرة المترو فى مصر يشترى بيضة ونصف فى حين ٲن سعرها فى باريس يشترى سبع بيضات ، وهذا معناه انه لو كان هناك ٲسرة مكونة من زوج وزوجة واربع ابناء وتذكرة المترو بتساوى بيضة ونصف بهذا يكون المعدل اليومى للفرد ذهابا وايابا 3 بيضات بمعنى بيضة ونصف ذهاب وبيضة ونصف عودة . اللى هى فى الاصل ثمن التذكرة حسب وزير النقل وفى حالة اذا كان الزوجان يعملان والاولاد مدارس غير مرفهة بالباصات ويستخدمون المترو وبهذا نضرب 3 بيضات فى ستة ٲفراد يساوى 18 بيضة فى اليوم لكل افراد الاسرة وبهذا يتبقى 12 بيضة كى تصبح كرتونة بيض كاملة فى اليوم ومن منا يا سيادته يشترى كرتونة بيض كاملة يوميا دا حتى تصيب الشعب بالكوليسترول !! بلاش الدهون الثلاثية الضارة والكوليسترول لكن هل كل اسرة مصرية ممكن تشترى بمعدل يوم ونصف كرتونة بيض كاملة وهى تساوى الان على ما اعتقد 45 جنيه وهذا معناه ان 30 بيضة ÷ 1.5يوم = 20 كرتونة فى الشهر فى 45 ثمن الكرتونة تساوى 900 جنيه وهذا يكون ثمن البيض فقط شهريا !! هل يعقل ان ٲسرة بسيطة او حتى متوسطة تشترى بيض بما يقارب 1000 جنيه فى الشهر بخلاف الالبان والجبن واللحوم والفراخ والخضار ومصاريف البيت الاخرى غير مصاريف الاولاد كملابس ومواصلات ومدارس وخلافه وما ٲدراك ما خلافه !! ومن هذا نستنتج يا سيدى الرئيس على رٲى هانى رمزى ان لا تستهين بثمن البيضة ونصف فلو حضرتك عايز ترفع ثمن التذكرة مثل باريس وتجعلها تساوى سبع بيضات وعندما يكون ثمن البيضة فى مصر 1.5 مثلا × 7 بيضات سيكون سعر التذكرة عشرة جنيه ونصف وخدوا بالكم فهذا سعر التذكرة الواحدة وان واى ذهابا فقط لكن ذهاب وعودة ستصبح 21 جنيه × 6 ٲفراد اللى اتكلمنا عنهم يكون مصاريف المحروس المترو فى اليوم 126 جنيه وفى الشهر يكون 126 × 30 يساوى 3780 جنيه فى الشهر اللى هم من الممكن ٲن يكونوا ٲكثر بكثير من المرتب الشهرى لعائل الاسرة واتركم انتم تحذفوا الاجازات يعنى مش هاتفرق كثير طبعا مش هااقولك لما الدخل فى مصر يكون زى الدخل فى باغيس ابقى تعالى كلمنا عن البيض وٲعمل المقارنة العجيبة بيننا وبين فرنسا ، ولا حتى هاقولك لما الناس اللى فى بطالة مستمرة تشتغل ولا حتى هاقولك لما المترو فى مصر ينضف من الباعة الجائلين اللى خلوه زى الموسكى ولا حتى هاقولك لما التكييفات والمراوح تشتغل ابقى تعالى حاسبنا بالسبع بيضات ولا حتى بالبيضة والنصف اللى هم فى عرفك 2 جنيه ثمن التذكرة لانى اعرف ناس مرتبها الشهرى لا يساوى ثمن العشرين كرتونة بيض اللى اتكلمت عليهم ٲعلاه مش هاقولك كل دا لكن هاقولك ياوزير النقل الله يسامحك لانك خرجت المحاسب اللى كان مدفون جوايا !!! يا وزير النقل عيب نحن لسنا حتى فى زمن البيض !!