قناة «الحافظ»: «مساعدات أمريكا لمصر جزية عليهم»

بنبوس الايادى .. لابد أن تدفع الجزية


قناة «الحافظ»: «مساعدات أمريكا لمصر جزية عليهم»

قناة الحافظ



على قناة «الحافظ»، وداخل ديكور برنامج «فى الميزان» تقديم
د.حافظ عبدالرشيد، رحب المذيع بضيوفه الكرام وجميعهم ملتحون، فيديو شهير
اقتطعه النشطاء و«عملوا عليه حفلة»، فأحد الضيوف السلفيين أكد فى مستهل
حديثه أن على الولايات المتحدة الأمريكية التعامل مع مصر «زى ما بنديها
تاخد!!»، فـ«لو ابتزونا» -على حد قول الشيخ الجليل- «مش هنعرف».. «إيه
بقى.. مش هنعرف إيه».. يرد: «مش هنعرف نسيطر على الموقف»، موضحاً أنه كان
على الثورة المصرية الإعلان عن سياق معين ينظم العلاقات مع أمريكا: «لو كنا
عملنا كده.. كانت أمريكا هتقبل الأيادى وهتضاعف المساعدات كمان».

المساعدات الأمريكية لمصر يعتبرها الشيخ الجليل «جزية» عليهم: «آه
والله»، يُقاطعه «الدكتور عبدالرشيد» بضحكة مجلجلة: «دى فتونة بقى ولا
إيه؟»، ليرد الضيف: «آه والله.. وده مقابل إنهم يمروا من المجال المصرى
الجوى والبحرى»، موضحاً أنها جزية أمان وليست رؤوس، فهذا من أهداف الثورة
التى كان لا بد من تحقيقها: «مصر دولة إسلامية عربية ولا بد أن تفرض على
أمريكا المساعدات كجزية مقابل تركها تحقق مصالحها اللى إحنا نوافق عليها
ويدفعوا تعويضات تخريبهم للوطن وللأمة الإسلامية».

«شوفتو المخدرات ممكن تعمل إيه؟».. كلمات عبرت بها «ابتسام على» فى
تعليق على الفيديو بموقع «يوتيوب»، وأضاف «أحمد عبدالحميد»: «هما بيجيبوا
العالم دول منين؟»، وتساءل «أمجد وديع»: «نفسى أعرف الناس دى بتتعاطى
إيه؟»، ليُجيبه «على رجب»: «ترامادول.. هوه فيه غيره؟»، وتابع «أدهم شفيق»:
«شوف العالم اللى عايشة فى مية البطيخ!»، وقال «محمد يوسف»: «انت راجل مش
فاهم أى حاجة وربنا يستر من تدخلاتكم فيما لا يعنيكم»، واكتفى محمود
السروجى بقول: «ماااااء».