الرئيسية
طالبات المدرسة أثناء الوقفة الاحتجاجية ضد إحالة الطالبتين للتحقيق
دخل العشرات من أولياء أمور الطلاب بمدرسة السيدة زينب الثانوية
للبنات، فى الغربية، فى اعتصام مفتوح داخل ساحة المدرسة، أمس، احتجاجاً
على قرار مديرة المدرسة بإحالة طالبتين للتحقيق والفصل، بعد إلقاء إحداهما
قصيدة شعرية مناهضة للرئيس محمد مرسى وتنظيم الإخوان، فيما قرأت زميلتها
مقالاً للكاتب علاء الأسوانى حول سوء الأوضاع السياسية والاقتصادية، فى
إذاعة المدرسة الصباحية.
وكانت إحدى الطالبتين قد ألقت قصيدة خلال الإذاعة المدرسية بحضور
المديرة وعدد من المدرسين مناهضة لمرسى، بعنوان «حس يا سيادة الرئيس بينا»،
فيما قرأت الطالبة الثانية مقالاً للكاتب علاء الأسوانى يندد بحال الدولة
فى عهد ولاية تنظيم الإخوان، الأمر الذى دفع عدداً من المدرسين إلى الضغط
على مديرة المدرسة لإحالة الإخصائية الاجتماعية المسئولة عن الصحافة
المدرسية، والطالبتين إلى الشئون القانونية للتحقيق معهن.
ونظمت القوى والحركات الثورية وعدد من أولياء أمور طلاب مدرسة
السيدة زينب الثانوية للبنات، وقفة احتجاجية، أمس، أمام مبنى المدرسة
للتنديد بقرار مديرة المدرسة بمعاقبة الطالبتين والإخصائية، فيما أمرت
فاطمة خضر، مديرة الإدارة التعليمية، بالتحقيق فى الواقعة، واتخاذ
الإجراءات القانونية حيال مديرة المدرسة والطالبتين.
وقالت إحدى الطالبتين، تدعى سالى السيد هاشم، إن هناك عدداً من
مدرسى المدرسة، أبرزهم محمد عواد، مدرس اللغة الإنجليزية، هاجمهما بسبب
ميولهما السياسية بعد إلقائهما القصيدة والمقال فى الإذاعة المدرسية.
وكشفت زميلتها، الطالبة سالى قاعود، عن تعرضهما للمطاردة من قِبل
عدة مدرسين بعد الإذاعة المدرسية، منهم نشوى الطحان وحمدى الشافعى،
لمعاقبتهما، والفتك بهما، إلا أنهما تمكنتا من الهرولة بساحة المدرسة، حتى
وصلتا إلى غرفة الإخصائيين الاجتماعيين لإنقاذهما من أيديهم، وأضافت أن ما
حدث لهما أمر لا يقبله عقل ولا قانون عقب ثورة 25 يناير التى حققت
المعجزات، معبرة عن رفضها سياسة تكميم الأفواه وتحريم حرية الرأى والتعبير.
و"الوطن" تنشر القصيدة التي ألقتها الطالبة سالي السيد هاشم, وأحيلت
بسببها إلى التحقيق مع زميلتها سالي قاعود، وجاءت كلماتها على النحو
التالي:
(حــس)
حس يا سيادة الريس بينا
حس بالنار اللي والعة فينا
حس بشهيد حلمه ضاع
حس بقهرة أهالينا
ليك رب هتقابله.. طب هتقوله ايه؟ لما يسأل جنابك علينا
(حــس)
حس بشوارع مليها دم
حس بقهرة أب وأم
حس ببيوت جُواها هم
والقلوب مليها الغم
حس ببلد بتموت
وعز شبابها بيتسم
(حــس)
حس بجدع عياله جاعت
نزل يوكلهم فكرامته اتباعت
اتسحل واتعرى في وسط حكومتك
وبعد ده كله حقوقه ضاعت
(حــس)
ده أنا المصرى ابن البلد
حلمى في وسط الميدان اتولد
حلمي في بلدي تعلى لفوق
وحلمي قدامي اتعرى واتجلد
(حــس)
يا سيادة الريس شرفك فين؟
لما اتعرى المصري الهمام
لما اتسحل واستغليت إنه راجل جعان
وعاوز تكممه وتكتف عزته
وتهز بلدنا.. بلد الشجعان
لا مش هسكتلك ولا اسيبك تنهش
في لحم بلدي زي زمان
(حــس)
ما أصلي خلاص م الموت معودتش بخاف
عارف الموت؟ عارف معناه؟
الموت أحلام بتموت وتضيع
الموت مش بس موت الحياة
الموت صديق عمر يروح
وصاحبه يتوه مجراه
الموت مش بس روح بتطلع
الموت ابن يموت وأمه م تقدر تنساه
الموت أب انكسر ظهره
ابنه كان ظهره وقواه
الموت يعني مستقبل بيموت ويضيع
وتموت أحلامك وياه
(حــس)
حق اللي اتعرى يا ريس فين؟
ولا هو اللي عراه أصلا مين؟
اللي عراه ظلمك وكدبك
اللي عراه حكمك المهين
اللي عراه ديابة ملهاش إحساس
اللي عراه كلاب مسعورين
اللي عراه سكوت.. اللي عراه جبروت
اللي عراه سلطة بتكسر عين
(حــس)
ورسالتي أخيرة لنظام جبان
نظام فاسد ملوش عنوان
لو همــوت
لو دمي منك يلاقي الجحود
وتهددني بسجن ظلام
ولا لوجوده أي وجود
... مش هتسكت فيا الصوت..
... مش هتسكت فيا الصوت ..
... مش هتسكت فيا الصوت
الإثنين مايو 27, 2024 10:25 pm من طرف