الرئيسية
"لا يمكن تحقيق النجاح إلا إذا أحببت ما تقوم به"، هكذا بدأ "عم راضى" اللى ليه من اسمه نصيب حديثه لبرنامج "فتحى شو"، تقديم محمد فتحى عبد الغفار، بعد انتشار فيديو على وسائل التواصل الاجتماعى لرجل فى العقد الخامس من عمره يقوم بغسل السجاد بمهارة وضمير منقطع النظير.
"الشغل مش عيب والشغل مصنع الرجال"، هكذا وصف "عم راضى" الطيب شغلته: "أنا بغسل سجاد بقالى 10 سنين ولكل مجتهد نصيب، أنا راضى بحالى وبحب شغلى وسر نجاح العمل هو حب العمل وده ترتيب ربنا انا من ساعة ما اشتغلت فى غسيل السجاد وانا بحاول أطور من نفسى فى الشغل ةابتكر طرق جديدة".
وتابع، "ربنا بيكرمنى لما الناس تدعيلى ولما بديهم شغل حلو، أنا مش محتاج حاجة من حد إلا الشغل بس وديه المساعدة اللى أنا عايزها بس لكن ربنا كارمنى آخر كرم كفاية إنى بشتغل وباكل وبشرب أنا وعيالى، أنا كنت قاعد 8 سنين فى أوضة خشب أنا وعيالى".
وأردف: "ده احنا أحسن من غيرنا بكتير ربنا كرمنى دلوقتى وقاعد فى شقة إيجار أنا وأسرتى، ناس كتير جدا اتصلت بيا قالتلى ابعتلك أيه والله رفضت وشكرتهم أنا بس كل اللى طالبه من الفيديو ده الشغل بس إنى الناس تتصل بيا فى شغل وده كرم من عند ربنا سبحانه وتعالى".
الجمعة فبراير 16, 2024 4:12 am من طرف