فنان الشعب سيد درويش

فنان الشعب سيد درويش


أحيه على مصر أحيه من شبانها و بناتها


كلمات: بديع خيري
قد تكون بعض كلمات هذه الأغنية غير لائقة في الوقت الحالي، وقد تم تبديل بعض كلمات الأغنية في الإصدارات اللاحقة التي غناها مطربين آخرين، بل وتم حذف كوبليهات بالكامل، ولكن سؤالي هنا، هل يحق لنا أن نغير ونبدل في الكلمات، حتى لو كانت الكلمات غير لائقة، هذه الأغنية من إنتاج عام 1918 وكانت لحنا مسرحيا لفرقة نجيب الريحاني، أنا في رأي ليس من حقنا أن نغير ونبدل في الكلمات مهما كانت، لأن هذه الطريقة بها عبث بفكر مؤلف، وهو نفس الشيء الذي فعلته أحدى شركات الطباعة والتوزيع عندما أعادت طبع روايات الكاتب الكبير إحسان عبد القدوس وحذفت الأجزاء التي رأتها غير ملائمة، لذا أرى إما أن نعرض فكر المبدع سواء كان كاتبا أو موسيقيا أو رساما أو غيره نعرضه كاملا، أو لا نعرضه على الإطلاق
لحن الوارثين من مسرحية ولو لفرقة نجيب الريحاني 1918، وكان نجيب الريحاني الذي يقوم بدور كشكش بك يغني مقاطع من هذه الأغنية في المسرحية، وهي من كلمات بديع خيري
الكلمات
سيد درويش:
ع النسوان يا سلام سلم مافيش كده أبدا بهجة
داحنا الوارثين يا أفندم ضاربين الدنيا طبنجة
يا حبيبتي دي جتتي ساحت ودي حوسة ونطت في كرشي
دي ساعة الحظ إن راحت أبدا ما تتعوضشي
كل الأطيان لو ضاعت في بوسة مانستخسرشي
حياة صبري:
مين يشوفنا بالذمة و لا يطلعش من دينه
اللي يعمل لنا حشمة خليه يتلهي على عينه
ستات من أحسن فورمة دا احنا النتايات الفينو
لا تقول شنجر و لا بنجر و لا كورسال و الا كازينو
السح النح يا مون شير كل دا إحنا بادعينه
سيد درويش:
أحيه على مصر أحيه من شبانها و بناتها
بسلامته عامل لي جانتيه هايص ويا بسلامتها
وطن إيه بجي و سخام إيه بكره تبان له لبتها
و البنك يطب عليه يشفط الأطيان كلتها
يسرح بقي سيدنا البيه بمخلل و أدي أخرتها
حياة صبري:
دا كلام ملاحيس مايهمش ما تتمسخرشي علينا
إن شا لله ما حد يحوش الفلوس في رجلينا
بنغني و نرقص بولكة و مازوركة و نسكر طينة
نلعب بوكر و نبقشش بالجنيهات ملو ايدينا
إن راحت أطيان بابا البركة في صيغة نينه
سيد درويش
كده و إلا بلاش يا مدارس دي بناتنا بقت مناخوليا
يكفانا بس نعيرها قال إيه عاملين بكالوريا
و الواحدة في طبخة نابت عاوزالها 70 كخيا
ما بدال الفسيولوجيا إدوهم طبخة لوجيا
دي كلها لهجة لوجيا و أمور أوانطه لوجيا
حياة صبري
نعرف جغرافيا و نحوي و حساب و حاجات ترللي
5 X 9 ب16 و باريس في الوجه القبلي
بونجورنو فعل مضارع مفتوح ع البحري تمللي
دي صنعة هنري التاسع شيخ حارة في المتولي
أبجد هوز معناها بالتركي إبقى قابلني

https://www.youtube.com/watch?v=RZp91SR3w1k


أنا هويت وانتهيت - سيد درويش
كلمات : يونس القاضى
لحن وغناء : سيد درويش

أنا هويت وانتهيت
وليه بقى لوم العذول
يحب إني اقول ياريت
الحب ده عني يزول
مادمت انا بهجره ارتضيت
خلي بقى اللي يقول يقول
أنا وحبيبي في الغرام
مافيش كده ولا في المنام
أحبه حتى في الخصام
وبعده عني ياناس حرام
مادمت انا بهجره ارتضيت
منى على الدنيا السلام
https://www.youtube.com/watch?v=pnC8ENSXhCk
دنجى دنجي - اغنيه تراث عن انفصال مصر و السودان

دنجي دنجي

جالت لي هالتي أم أهمِد كلمايه في متلايــــه
سرجوا الصندوق يامهمِـد لكـــن مفتاهه معايا
إينايا شنجي كريكري
دنجي دنجي دنجي دنجي دنجي دنجي
هامصيبه وجالي من بدري زي الصاروخ في ودانـي
مافيش هاجه اسمه مصـري ولا هاجه اسمه سودانـي
نهر النيل راسه في ناهيه رجليه في الناهية التاني
فوجاني يروهوا في داهيه اذا كان سيبو التــــاني
إينايا شنجي كريكري
دنجي دنجي دنجي دنجي دنجي دنجي
اسود ابيض يابـــرامه آيشين ويا بأضـــينا
سوداني أندو كرامة مـــصري طول أمره أهينا
اتنين جيران بلدنجي والهيطة جنب الـــهيطة
الناس دي بلاوي كالنجي أيزين هلينا شكانيطة
إينايا شنجي كريكري
دنجي دنجي دنجي دنجي دنجي دنجي
الأكل بتاعنا براوه يشهدله البيه والباشا
يوم فاصوليا وبِجلاوه يوم ملوهيا وبوجاشـا
ياأوروبا هليكي شاهده عالبوليتيكه الترللي
الرايـــة بتاعنا واهده لازم يستنى تــمللي
إينايا شنجي كريكري
دنجي دنجي دنجي دنجي دنجي دنجي
 

https://www.youtube.com/watch?v=tOcbujqCvnE
سيد درويش: شد الحزام
كلمات: بديع خيري

شد الحزام على وسطك غيره مايفيدك
لابد عن يوم برضه ويعدلها سيدك
إن كان شيل الحمول على ظهرك يكيدك
أهون عليك ياحر من مدت إيدك
ماتيالله بينا انت وياه ونستعين ع الشقا بالله
واهو اللى فيه القسمه طلناه واللى مايجيش انشا لله ما جاء
مادام بنلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس
حقولك ايه واعيد لك ايه كله له آخر
دى خبطة جامدة وجت على عينك ياتاجر
يا وحستك دلوقت لاوارد ولاصادر
يحلها الفين حلال ربك قادر
قل لي في عرض النبي ياحسين رايحين نلاقيها منين ومنين
والاش متجوز اثنين يادنيا غوري جاتك البين
شوفوا البخيل يفضل منحوس ولو علقوا على بابه فانوس
فلوس دي ايه سكت ياجاموس هيه السعادة في غنا النفوس
شد الحزام على وسطك غيره مايفيدك
لابد عن يوم برضه ويعدلها سيدك
إن كان شيل الحمول على ظهرك يكيدك
أهون عليك ياحر من مدت إيدك
ماتيالله بينا انت وياه ونستعين ع الشقا بالله
واهو اللى فيه القسمه طلناه واللى مايجيش انشا لله ما جاء
مادام بنلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس
قرب شيلني شيل عمر الشدة ماتطول
لا تقوللي كتير وقليل بكرة نهيص زى الأول
هيلا هيلا هيلا هيلا هيلا ليصه هيلاليصه

https://www.youtube.com/watch?v=H4vrvhFZlms