شباب يطلقون حملة استرجل ومتلبس بناتك محزق

قام مجموعة من الشباب بتأسيس حملة تحت مسمي "استرجل ومتلبس بناتك محزق". وقام المشاركون بالحملة بتعليق لافتات بأماكن متفرقة في القاهرة ومحافظات أخرى. لاقت الحملة رواجًا على الفيسبوك، ما بين مؤيد ومعارض، واستند كل فريق إلى رؤيته، بينما حاول الفريق الأول المؤيد إلى استخدام مصطلحات دينية للترويج للحملة وتفعيلها، بينما رأى الفريق الآخر أن الحملة تزيد التحرش بالبنات. وأنت عزيزي القارئ ما رأيك بهذه الحملة ؟وهل أنت مع أم ضد؟ من جانبها علقت صفحة صوت العلمانية قائلة باستنكار، شباب مصر الجميل المتدين بطبعه حامي حمي الاخلاق والفضيله مكلفش نفسه بتعليق لافتات مكتوب عليها استرجل _وماتتحرشش استرجل_فضحتنا_في_العالم_كله_يا_متحرش الشباب الطاهر دة مكلفش نفسه يعلق لافتات يكتب عليها استرجل_وانضف_وبلاش_ترمي_زباله استرجل_وقاطع_المخدرات شباب مصر المحترم معندوش مشكله يتصنف التاني علي مستوى العالم في التحرش ، وان كل نساء العالم المحترم حكوماتهم بقت تحذرهم من السفر بمفردهم لمصر ، لانها اصبحت دوله غير امنه ورجالتها معروف عنهم التحرش والانحطاط الاخلاقي معندوش مشكله ان المخدرات ليها سوق كبير جدا في مصر وبقت تتباع عيني عينك في الشوارع في وضح النهار مفيش مشكله عندهم انهم يعيشوا في وسط الزباله والمجاري والوساخه مفيش مشكله معاهم في الانحدار الاخلاقي والفكري اللي وصله الشارع المصري اللي اصبح غير امن بالمرة ولا أدمي معندوش مشكله يتعايش مع الفساد والرشوة والمحسوبيه والنصب كل اللي يهمه في الحياة انه يثبت رجولته المعدومة في السيطرة علي المرأة وقهرها وتعذيبها #استرجل واحترم الانثي خليها تبصلك بأحترام كرجل مش ككلب بلدى في موسم التزاوج #استرجل وخليك محترم وعندك كرامة زى رجالة العالم المتقدم