معدى الناس.. استمع إلى أغنيات ألبوم عمرو دياب الجديد

طرح أسطورة الغناء المصرى عمرو دياب، ألبومه الجديد "معدى الناس" فى الأسواق، وضم الألبوم 10 أغنيات، وينشر "اليوم السابع" القائمة الكاملة لأغنيات الألبوم.





1."قلبى اتمناه" كلمات تامر حسين وألحان عمرو مصطفى وتوزيع أسامة الهندى
عمرو دياب - قلبي أتمناه (كلمات)
قلبي اتمناه، من بين الدنيا بحالها نداله وجاله
الله الله، اهو ده اللي مفيش اتنين في جماله

مين يبقي معاه، كل ده ويفكر او يشغل باله
بناس وحياة، لا لا لا

وانت ويايا، ياما قلت ان شاالله
تبقي ليا ان شاالله
ياحبيب ان شاالله

عمري ما حنساه
وده وعد عليا وكلمه بأكدهاله
ومن اليوم ده، لو فاتوا سنين عمري حاعيدهاله

مين يبقي معاه، كل ده ويفكر او يشغل باله

بناس وحياة لا لا لا
https://www.youtube.com/watch?list=PLXLRsD4jOF1v3JH2cJ7M9ZKdMKqqIbPWU&v=99a8L6rnnIg
2."قمر إيه" من كلمات أسامة مصطفى وألحان سامر أبو طالب وتوزيع أسامة الهندى
سلامك كله حنية، كأنك وردة في ايديا
كلامك حلو، حتي في ضحكتك إحساس، براءتك لسه طبيعية
قمر ايه فوق مانا أتصور، عليكي قلبي ياما دور
عنيكي عاملة زي الشمس، تغمض دنيتي تليل، تفتح دنيتي تنور
هدية من السما جاية، تحلي دنيتي عليا
شهادة حق كل مابعرفك اكتر تزيدي حلاوة في عنيا
عيوني بجد معذورة، جمالك اصل مش صورة
انا بتشد
لو اتصورتي وسط الناس، لوحدك تنوري الصورة
https://www.youtube.com/watch?list=PLXLRsD4jOF1v3JH2cJ7M9ZKdMKqqIbPWU&v=nGocltMQe38
3."آه حبيبى" كلمات هانى رجب وألحان مديح حسين وتوزيع أسامة الهندى
ولا يملى عنيا الا حبيبي
ولا عايز أعيش غير وانا وياه
الدنيا بتحلى اما يجيني
وبحس براحة قلبي معاه

حبيبي اه حبيبي كمان حبيبي
واقولها تاني احلي الاسامي
لما اسمع اسمه بقول الله

سألوني عليك قولت حبيبي
وانا يعني هداري واخاف من ايه
وحياتك عندي لقيت عيني
قالت علي كل اللي مخبيه
https://www.youtube.com/watch?list=PLXLRsD4jOF1v3JH2cJ7M9ZKdMKqqIbPWU&v=OnnkCLY8RGc
4."أول كل حاجة" من كلمات أحمد الملكى وألحان سامح كريم وتوزيع اسامة الهندى
انت اول كل حاجة والبداية في كل شيء، حب اول مرة يجي لما قلبي كان برئ
انت اول كل حاجة وانت عارف كنت ايه، وانت اول حد يمشي ودمعتي تنزل عليه
كنت اول كل حاجة بتجري ليا، كنت اول روح بتلمس حاجة فيا
كنت اول حب يجي ونفسي يفضل، كنت اول فرحة بتنمناها تكمل
كنت اول حد برسم صورة ليه، كنت اكتر حد بعرف قيمتي بيه
كنت بالنسبالي نفسي وكنت بكرة، كنت عمري بس ليك انا كنت فترة
اللي يعرف من البداية النهاية هتبقي فين، مش هايغلط في اختياره بس نعرف ده منين
كنت اخر مرة آمن قولي آمن بس مين، مافتكرش أحب تاني صعب اغلط مرتين
https://www.youtube.com/watch?list=PLXLRsD4jOF1v3JH2cJ7M9ZKdMKqqIbPWU&v=D8VEwqef9XY
5."يا أجمل عيون" من كلمات تركى آل شيخ وألحان عمرو مصطفى وتوزيع أسامة الهندى
يا أجمل عيون وأحلي عيون، صحيتي ليل العاشقين
صحيتي الشوق من غير ميعاد، وسافرت لأخر البلاد
والله بحبك موت وأحب برج الحوت، واعشق تفاصيلك ضحك وبكي وسكوت، لأنك الدنيا واللي يفوت يفوت
ياللي انت عيونك بحر ليل ونهار، فيها سحر فيها قلبي داب و أحتار
يا صوت نبرته حياة، حبيته وعشقت صداه
انا ليكي ياللي انت صوتك عذب وملائكي، همسات صوتك ضحكتك تروي عطش روحي
نظرة عيونك ملهمة وانتي دواء جروحي
https://www.youtube.com/watch?list=PLXLRsD4jOF1v3JH2cJ7M9ZKdMKqqIbPWU&v=HcodxmdesfY
6."نغمة الحرمان" كلمات أيمن بهجت قمر وألحان محمد يحيى وتوزيع أسامة الهندى
ماسك لي في نغمة الحرمان، وعمال تشكي وتهول
لا فرق اللي انت شفته زمان، ولا الحلو اللي في الاول
وجعتك ده انت توجع بلد، فيه ايه هو انت اشتريتني
هاسيبك واخسرك للأبد، ده كان ناقص تموتني
خلصنا مع السلامة، فراقنا هيطول
كلام عالحب والإخلاص سمعته كتير ومتعود
مالوش معني الكلام ده خلاص لا هينقص ولا يزود
https://www.youtube.com/watch?list=PLXLRsD4jOF1v3JH2cJ7M9ZKdMKqqIbPWU&v=isAOTKvxcEY
7."جنب حبيبى" كلمات تامر حسين وألحان محمد رضا وتوزيع أسامة الهندى
طول مانت معايا وفي حياتي يا حبيبي، بنسي روحي، بلقى نفسي امتلكت الدنيا ديا
وبعيش في حكاية بتبتدي بكلمة حبيبي، ياحبيبي، والقى عمري من حلاوته بيجري بيا

وانا جنب حبيبي، حبيبي، حبيبي، اللي انا بتمناه في عمري لاقيته معاه
وانا جنب حبيبي، حبيبي، حبيبي، طاير من الفرحة وكلامي بيبقى غُنى

فرحتي بحكيها عيني بتقولك عليها ياحبيبي، انت عارف انت ايه بالنسبة ليا
الحب ندالي والسعادة اللي في خيالي ياحبيبي، يوم لقانا شفتها بتنده عليا

وانا جنب حبيبي، حبيبي، حبيبي، اللي انا بتمناه في عمري لاقيته معاه
وانا جنب حبيبي، حبيبي، حبيبي، طاير من الفرحة وكلامي بيبقى غُنى
https://www.youtube.com/watch?list=PLXLRsD4jOF1v3JH2cJ7M9ZKdMKqqIbPWU&v=8_qm_apKXd0
8."حبايب إيه" من كلمات تامر حسين وألحان مدين وتوزيع أسامة الهندى
بنلقي راحتنا ويا الغرب و مش ويا حبايبنا
ماريحناش يا قلبي القرب بنرتاح واحنا في بعادنا

حبايب ايه حبايب مين عشان الشكل مضطرين
نكمل والحياة تمشي لكن مع بعض مش فارقين

بنمشي الايد في حضن الايد ونتبسم قصاد الناس
عشان مانهزش الصورة عشان يتصدق الإحساس

قالولنا يا قلبي مليون حل لكن لسه على حالنا
وحبنا كل يوم بيقل ومش بتقل اعذارنا

وايه في الدنيا يجبرنا على حاجة ماحبيناهاش
لو الغلطة اننا اختارنا دي غلطة اكيد مانقصدهاش
https://www.youtube.com/watch?list=PLXLRsD4jOF1v3JH2cJ7M9ZKdMKqqIbPWU&v=durnYwX0SqE
9."معدى الناس" كلمات أسامة مصطفى وألحان سامر أبو طالب وتوزيع أسامة الهندى
معدّي الناس بإحساسك، وبالرّقة اللي جوّة عينيك
وعيني عليك يا روحي قلبي مغمضهاش
قدرت خلاص تغيّرني، وأحلى ما فيّا بان في هواك
حياتي معاك لآخر يوم لازم تتعاش

وصوتك لما تتكلم فيه حنيّه، بتاخد روحي من روحي لدُنيا بعيد
بحسّ براحة وأتطمّن وبِعنيّا، بشوف الحاجة وأنا جنبك جمالها يزيد

حبيبي إنت اللي بالدُنيا ومالي عينيا فين ما بكون، وأحلى من كدة قلبي ميتمناش
دخلت حياتي حلّتها ملوّنها بأجمل لون، وكل أيامي من قبلك مبحسبهاش

وصوتك لما تتكلم فيه حنيّه، بتاخد روحي من روحي لدُنيا بعيد
بحسّ براحة وأتطمّن وبِعنيّا، بشوف الحاجة وأنا جنبك جمالها يزيد

معدّي الناس بإحساسك، وبالرّقة اللي جوّة عينيك
وعيني عليك يا روحي قلبي مغمضهاش
قدرت خلاص تغيّرني، وأحلى ما فيّا بان في هواك
حياتي معاك لآخر يوم لازم تتعاش
https://www.youtube.com/watch?list=PLXLRsD4jOF1v3JH2cJ7M9ZKdMKqqIbPWU&v=KtdR5qvqsnw
10."احلى حاجة" كلمات تركى آل شيخ وألحان عمرو دياب وتوزيع أسامة الهندى
يا أحلي حاجة في عمري انا نفسي احكيلك
عن احساسي عن اشواقي عن حبي واعبر
عن الحب اللي جوايا ودنيا جديدة وحكاية
مجرد أنى صادفتك ومن ساعة ما انا شفتك ده من ساعة ما انا عرفتك
سنة في حبك سنة في قربك، ولا أجمل ولا اغلي ولا أحلي
نسيت نفسي في دنيا كلها اماني، رجعلي عمري المنسي وليل الحب صحاني
وحنين الشوق في حبك مدوبني مسهرني مخليني ادوب واعشق واعيش واعشق
ولا قبلك ولا بعدك موريني الحياة جنة
ده الحب اللي جوايا ودنيا جديدة وحكاية، مجرد أنى صادفتك ومن ساعة ما انا شوفتك من ساعة ما انا عرفتك
https://www.youtube.com/watch?list=PLXLRsD4jOF1v3JH2cJ7M9ZKdMKqqIbPWU&v=fOir_5j2NaE
عمرو دياب - أحلى حاجة، من البوم "معدي الناس" انتاج ناي ٢٠١٧. حمل نسختك من علي آيتونز
عمرو دياب - أحلى حاجة، من البوم "معدي الناس" انتاج ناي ٢٠١٧. حمل نسختك من علي آيتونز
عمرو دياب - أحلى حاجة، من البوم "معدي الناس" انتاج ناي ٢٠١٧. حمل نسختك من علي آيتونز
عمرو دياب - أحلى حاجة، من البوم "معدي الناس" انتاج ناي ٢٠١٧. حمل نسختك من علي آيتونز
عمرو دياب - أحلى حاجة، من البوم "معدي الناس" انتاج ناي ٢٠١٧. حمل نسختك من علي آيتونز
https://itunes.apple.com/ae/album/%D9%85%D8%B9%D8%AF%D9%8A-%D8%A7%D9%84%D9%86%D8%A7%D8%B3/id1265871795