السيسي يوجه رسائل قصيرة إلى 11 دولة

وجه المشير عبد الفتاح السيسي، المرشح الرئاسي، رسائل لعدد من الدول، وضح فيها سبل إدارته للملف الدولي، وذلك في الجزء الثاني من أول حوار تليفزيوني يظهر خلاله، مساء الثلاثاء، مع الإعلامي إبراهيم عيسى والإعلامية لميس الحديدي على قناتي «أون تي في»، و«سي بي سي».
1- السعودية:
علم السعودية
بتقدم بالشكر للملك عبدالله كبير العرب وحكيم العرب وبقول للسعوديين ربنا يحفظ بلادكم من أهل الشر.
2- الإمارات:
علم الإمارات
تحية وتقدير من أول الشيخ خليفة والشيخ محمد وبقول لهم الشيخ زايد ما متش وربنا يحفظكم من الشر وأهله وأقول للشعب الإماراتي اللي بيثق فيا خلي بالكم من بلادكم والكلام ده بقوله لكل اللي ماجاش الشر عنده.
3- الكويت:
علم الكويت
أنتم كنتم في محنة من قبل ونحن الآن في محنة.
4- روسيا:
علم روسيا
مايصحش ننظر لروسيا بشكل بديل والعلاقات الدولية حصل فيها تطور وزيارتي لروسيا مش على حساب حد، والعلاقات العسكرية مع روسيا لم تنقطع والكتير من المعدات للجيش جاية من روسيا والتعاون العسكري مع روسيا مستمر.
5- إسرائيل:
علم إسرائيل
ساعدونا بحاجة تفرحنا للدولة للفلسطينية نشوف القدس عاصمة فلسطين. فيه فرصة حقيقية تعطوا للفلسطينيين حاجة، والأمل ده هيفتح بيبان خير كتير في المنطقة.
6- ليبيا:
علم فلسطين
كدولة تؤمن حدودها على 200 كيلو ده تهديد ومفيش سيطرة على البحر عندهم ولا سيطرة على الحدود البرية مع الواقع اللي إحنا شايفينها فيه خطر من هناك.
7- قطر:
علم ليبيا
ماتخسروش الشعب المصري أكتر من كدة.. والمصريين مازعلوش من حد غير قطر.
8- تركيا:
علم تركيا
هما اللي قافلين الباب.. وعلاقتنا متواصلة مع الشعب التركي.
9- الجزائر:
علم الجزائر
أقول لهم إني لم أتكلم عنكم بسوء وماحدش يعمل كده إلا لو عنده سقطة.
10- إثيوبيا:
علم إثيوبيا
أنا شايف إنه مهم قوي إن الصراعات الاستراتيجية يبقى فيها حوار ونقدر مصالح الآخرين ومصالحنا.. وزى ما التنمية مهمة عندك فالمية مهمة بالنسبة لي.
11- السودان:
علم السودان
علاقتنا لازم تكون موزونة مع كل الشركاء.. وده العمق الاستراتيجي بتاعنا وعلى أشقائنا في السودان دعم العمق الاستراتيجي.