الرئيسية
على ورق الورد
كارم محمود
على ورق الورد حَ اكتِب له
حَ اكتب له وَعِدّ
واشرح له الود واشرح له
على ورق الورد
حَ بْعَت له سلام واكتب له كلام
فيه شوق وهيام رح يفرح بيه
كلِّ ما يقراه رح ينسى الآه
وتزيد في هناه رقة معانيه
مكتوب عالقد وبخط اليد
على ورق الورد على ورق الورد
على ورق الورد حَ كتب له
حَ كتب له وعد
حَ ستنَّى يومين وابعت جوابين
بين يوم وتنين حيجيني جواب
يوصلني قريب من أغلى حبيب
واتهنَّى وطيب زي الأحباب
ولا قلش لحد ولا أحكي لحد
على ورق الورد
على ورق الورد حَ كتب له
حَ كتب له وعد
عيني بترف
كارم محمود
عيني بترف يا حبة عيني
يللي سرقت النوم من عيني
خير انشالله ده بعدك والله
والله ده بعدك كان على عيني
ميلي يا حلوة يا نور العين
والله ما شافت زيك عيني
جبتي الحسن ده كله منين
واعمل إيه لو غاب على عيني
خدتِ القلب بنظرة عين
يللي في بعدك ما شافت عيني
على عيني جمالك على عيني
وعلى عيني دلالك على عيني
عيني بترف يا حبة عيني..
هنّي القلب بحبك يوم
يللي خيالك قدَّام عيني
خلِّي عِنيَّ تشوف النوم
لمَّا تصالحي النوم على عيني
لاموا عليَّ وكتر اللوم
خلُّوا هواكي صلوة عيني
على عيني جمالك على عيني
وعلى عيني دلالك على عيني
عيني بترف يا حبة عيني..
يا غرام يا غرام
كارم محمود
يا غرام يا غرام يا غرام يا غرام
دنياك أحلام ووفاق وخصام
يا غرام يا غرام يا غرام يا غرام
من نظرة وكلمة وفْ هَمسِ اللمَّة
تغلبنا القسمة ونعشق يا غرام
وِفْ نور دنياه نعيش ويَّاه
ونقول محلاك يا جميل يا غرام
يا غرام يا غرام يا غرام يا غرام
أفكارك حلوة للعاشق غنوة
بيقولها بنشوة فرحان يا غرام
أمَّا المحروم مسكين مظلوم
ومجافيه النوم منَّك يا غرام
يا غرام يا غرام يا غرام يا غرام
على شط بحر الهوى
كارم محمود
على شط بحر الهوى رسيِتْ مراكبنا
والشوق جمعنا سوى إحنا وحبايبنا
على شط بحر الهوى..
سبنا البلاد كلّها وعشنا لوحدينا
وكرهنا ناسها وأهلها يتحكَّموا فينا
لا في عوازل عندنا ولا حدِّ جارحنا
عايشين في جنَّة لوحدنا إحنا وحبايبنا
على شط بحر الهوى..
بحر الغرام مَيِّتو أحلى من السكَّر
كلِّ الهوى غِيِّتو لو داقها رح يسكر
واللي يزور حيِّنا يدعي ويتمنَّى
يفرح ويسعد زيِّنا بحبابه يتهنَّى
والشوق جمعنا سوى إحنا وحبايبنا
على شط بحر الهوى..
لمَّا دعانا الهوى رحنا ولبِّينا
لا قينا عندو الدوا طبنا وغنِّينا
وَقدْ شموع الهنا والنور على جبينو
وجاب كاسات الهنا يسقي محبينو
والشوق جمعنا سوى إحنا وحبايبنا
على شط بحر الهوى..
سمرة يا سمرة
كارم محمود
سمرة يا سمرة مرَّة في مرَّة شغلني هواكي
دمِّك خفَّة وتاج العفَّة شبكني معاكي
سمرة يا سمرة حلوة يا سمرة يا سمرة يا سمرة
سمرة يا حلوة يا لحن يا غنوة يا أحلى رنين
سحر الحاجب ده بيتعاجب عالحلوين
شفتو بقيت من ناري يا سمرة
تايه كده مش داري يا سمرة
وانتِ الكاس وشفايفك خمرة
سمرة يا سمرة حلوة يا سمرة
ورد خدودك جه على عودك زاده جمال
خلَّى الشقر يشوفوا السمر يباتوا فحال
عرفوا النار والغيرة يا سمرة
عاشوا في ذل وحيرة ياسمرة
وانتِ الكاس وشفايفك خمرة
سمرة يا سمرة حلوة يا سمرة
بطلب ودِّك ألقى فْ ردِّكْ معنى العفَّة
أفرح بيكي وأقول عليكي يا رمز الخفَّة
بطلب ودِّك ليه يكون ردِّك دايمــاً لأ
أفرح بيكي وأقول عليكي يا رمز الرقَّة
ردِّك فيه العزَّة يا ســمرة
زدتي فْ قلبي معزَّة يا سمرة
وانتِ الكاس وشفايفك خمرة
سمرة يا سمرة حلوة يا سمرة
الإثنين مايو 27, 2024 10:25 pm من طرف