الرئيسية
ابرز النقاط
-أول ما توصل فوق هتحس بالحب في الهواء حواليك
- مكان شيك و راقي زي كل حاجة حلوة عؤيقة في مصر
- لازم تجرب الكريم بروليه
البرج ممكن نوصفه إزاي؟ مكان عالي؟ مكان رومانسي؟ أكله لذيذ؟ الحقيقة إن برج القاهرة هو أكبر رشوة في التاريخ. دي حقيقة بس من جيل لجيل الناس نسيت حدوتة برج القاهرة و إعتبرته جزء من مزارات السياحة في مصر. لكن للبرج حدوتة هنفكركم بيها ضمن عرض النهارده. كان يا ما كان مصر كانت مؤيدة لموقف الجزائر ضد الإحتلال فأمريكا بعتت 6 مليون جنيه في شنطة مع مستشار رئيس الجمهورية عشان تأثر علي موقفها من الجزائر. لكن عبد الناصر رفض الرشوة و قرر إنه يستخدمها في بناء يفكر الناس طول الوقت إن مصر عندها كرامة و موقفها مش بيتغير بالرشوة. إتبني البرج من سنة 56 لسنة 61 علي إرتفاع 187 متر و ده أطول من الهرم الأكبر بحوالي 43 متر. وقتها المبلغ ده كان يتقال عليه أكبر رشوة بالنسبة لمقاييس العصر و البرج كان أطول مبني في العالم. الأمريكان سموه "شوكة عبد الناصر" و المصريين كانوا بيقولوا عليه "وقف روزفلت". دي الحدوتة اللي مع العرض! لو تحب تكون جزء من الحدوتة هتكون معانا في عرض النهارده: 40 جنيه بدل 80 جنيه لأي شئ تختاره من المنيو من VIP Restaurant في برج القاهرة في الزمالك.
عرض 40 جنيه بدل 80 جنيه لأي شئ تختاره من المنيو من VIP Restaurant في برج القاهرة في الزمالك. تقدر تشتري عدد لانهائي من الكوبونات لأي عدد من الأشخاص و تستخدم أي عدد من الكوبونات في زيارة واحدة.
خد معاك شخص بتحبه فوق بعيد و شوفوا مع بعض مصر من فوق. المتر دو أوتيل هيوصلك للترابيزة و هتلاقي المكان هايل و هيعجبك تفاصيله. المنيو بتقدم مجموعة كبيرة و متنوعة من الأطباق الايطالية اللذيذة من أول المقبلات و السلاطات الهايلة، الأطباق الرئيسية اللي كلها مقدمة بأطعم أنواع الصوص. هتحتار تختار إيه لأن التنوع كبير و كل حاجة شكلها تحفة و الطعم مش هنحكي عليه.
برج القاهرة هو المكان الحقيقي اللي هتاخد حبيبك فيه و تكونوا فعلاً و حرفياً في السماء و هتخرج منه و إنت حاسس إنك قضيت وقت في الجنة. حقيقي هتستمتع بالعرض متفوتوش
الإثنين مايو 27, 2024 10:25 pm من طرف