مكتبة كلمات اغاني فريد الاطرش مكتبة ألبومات الفنان ! فريد الاطرش

مكتبة كلمات اغاني فريد الاطرش
مكتبة كلمات اغاني فريد الاطرش
اغنية حبيب العمر
كلمات : مأمون الشناوي ألحان : فريد الأطرش

حبيب العمر حبيتك
و أخلصت ف هواك عمري
لا يوم خنتك و لا نسيتك
و لا ف يوم غبت عن فكري
حبيب قلب و وجداني
ماليش غيرك حبيب تاني
حبيب العمر
فتحت عنيا من صغري
على حبك و كان قاسي
سقيتني كاس هواك بدري
أسر فكري و إحساسي
و فرحني و بكاني
حبيب قلبي و وجداني
حبيب العمر
أشوف بعيونك الدنيا
و اغني الحب بلسانك
حياتي معاك حياة تانية
و اهيم و اسبح في أحضانك
يهنيني و يرعاني
حبيب قلبي و وجداني
اليش غيرك حبيب تاني
حبيب العمر




قلبي و مفتاحه

قلبي و مفتاحه
دول ملك ايديك
و مساه و صباحه
يسألني عليك
كان حبك شمع في يوم عيدي
و طفاه الشمع و تنهيدي
من يوم ايدك ما لمست ايدي
و كأنك قلت يا نار قيدي
و ما دام مشغول يا حبيبي
مش كنت تقول يا حبيبي
و القلب جراحه
من رمش عنيك
و مساه و صباحه
يسألني عليك
مهما تقسى برضه راضي بك
و تسيبني الروح قبل ما سيبك
قلبي عما ايه يا حبيبي
ليه تقسى عليه يا حبيبي
وحشته افراحه
من شوقه اليك
و مساه و صباحه
يسألني عليك
ياللي ما يصعبش عليك غالي
و ف بحر هواك الموج عالي
و الكلمة الحلوة اللي في بالي
تحرم لو غيرك قالهالي
قلبي الحيران يا حبيبي
و عنيه كمان يا حبيبي
هجروني و راحو
هايمين حواليك
و مساه و صباحه
يسألني عليك



إديني ميعاد
كلمات : عبد العزيز سلام ألحان : فريد الأطرش

إديني ميعاد و قابلني
و كفاية بعاد و خصام
عايز اقابلك يا شاغلني
علشان لك عندي كلام

أوعدني و اوفي بوعدك
و اسعدني بجنة قربك
و انا لما تجيني ح عاهدك
لا ألومك يوم و لا اعاتبك
و كفاية أشوفك جنبي
و احكي لك ع اللي ف قلبي
و ساعتها ح تسمع مني
قصة أشواق و غرام
عايز اقابلك يا شاغلني
علشان لك عندي كلام

الماضي اللي انت طويته
أنا عايز اعيد لياليه
و اللي جرالي أنا نسيته
مش ح اشغل فكرك بيه
و ان كان لي ف حبك قسمة
ح تعود ليالينا بكلمة
و ان جيتني راح تسعدني
و ح تصفى لنا الأيام
عايز اقابلك يا شاغلني
علشان لك عندي كلام
إديني ميعاد


أغنية : اتقل اتقل
كلمات : عبد العزيز سلام ألحان : فريد الأطرش

اتقل اتقل ع اللي بيتقل
و لا تسألش عليه
ابعت و اسأل ع اللي بيسأل
ليه تتعذب ليه
أول يوم شفته حبيته
كان اليوم اللي اتمنيته
بين رمشين العين نيمته
و برمشين العين غطيته
و بعد كل ده
يا قلبي يجرحك
و ليه ترضى بكده
و تتوه عن مطرحك
خللي دموعه تسيل ع الخد
ده مفيش حد احسن من حد
بيحيرنا ليه عايز منا ايه
ليه يا قلبي ليه

ياما غالبنا الشوق و سهرنا
لما لقانا بنستناه
فاتنا يا قلبي و بص لغيرنا
لما لقانا بنجري وراه
على دقة خطوته
دي كانت رقصتك
و كانت نظرته
تحييك و تموتك
خللي دموعه تسيل ع الخد
ده مفيش حد احسن من حد
بيحيرنا ليه عايز منا ايه

قالو ليالي الحب جميله
قلت يا ريت الحب ما جاني
خد من عمري ليالي طويله
و ما فيش عمر بيرجع تاني
و بعتنا نفكره
باع فينا و اشترى
لو كنا بنهجره
ما كانش ده جرى
خللي دموعه تسيل ع الخد
ده ما فيش حد احسن من حد
بيحيرنا ليه
عايز منا ايه
ليه يا قلبي ليه




بقى عايز تنساني
كلمات : عبد العزيز سلام ألحان : فريد الأطرش

بقى عايز تنساني
و تزود حرماني
طب انسى و انا ح انسى
أنا مش ح ارجعلك تاني

ايه بس اللي عملته
ايه ذنبي ف اللي جنيته
و القلب اللي انت ملكته
فاكرك و انت نسيته
يا ظالم يا جاني
بقى عايز تنساني
طب انسى و انا ح انسى
انا مش ح ارجعلك تاني

طمعتك في حناني
و وهبتك وجداني
و بقيت ملك ايديك
اتاريك قاسي و غادر
و بتنسى و مش فاكر
أيامي و لياليك
يا ظالم يا جاني
بقى عايز تنساني
طب انسى و انا ح انسى
انا مش ح ارجعلك تاني .